МҮСХНХ-ны дээд шагнал ЛАЙК ЦОМ-ын эзэд, Нийгмийн хариуцлагатай байгууллагууд тодорлоо

326
 

Монголын Үндэсний Сайтын Хөгжлийн Нэгдсэн Холбооны Удирдах зөвлөлийн гишүүн 32 сайтын эрхлэгч, сэтгүүлч , судлаачдын саналаар нэр бүхий 8 байгууллага хамт олонд МҮСХНХ -ны дээд шагнал Лайк цом, Нийгмийн хариуцлагатай байгууллага өргөмжлөлийг иргэд олон нийтийн дуу хоолой талархал болгож олгохоор шийдвэрлэлээ!

"Улаанбаатар цахилгаан түгээх сүлжээ” ТӨХК
Эдийн засаг, нийгмийн хөгжлийн тулгуур, үндэсний аюулгүй байдлыг хангах суурь салбар болох эрчим хүчний талаар Засгийн газраас гаргасан түр шийдвэрийн дагуу нийт айл өрх, зарим аж ахуйн нэгжийн цахилгааны төлбөрийг хөнгөлсөн энэ үед эрчим хүчний системийн өндөр ачааллын аливаа эрсдлээс сэргийлж, нийслэлийн цахилгаан эрчим хүчийг шаардлагатай цэг бүрт, тасралтгүй, найдвартай түгээн хангах үйлсийг түүчээлэн ажиллаж буй та бүхний сэтгэл, зүтгэл, хөдөлмөрийг онцолж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
"Эрдэнэс-Таван толгой” ХК 
Стратегийн ач холбогдол бүхий ордыг эдийн засгийн эргэлтэд оруулах, ордод ашиглалтын үйл ажиллагаа явуулах, дэд бүтцийн төслүүдийг хэрэгжүүлэхэд чиглэгдсэн "А6-20” хөгжлийн хөтөлбөрийн хүрээнд 1072 хувьцааг амь оруулж, 2.5 сая хувьцаа эзэмшигчид ногдол ашиг тараах ажлыг амжилттай эхлүүлснээр олон нийтэд үүссэн урт хугацааны хүлээлтийг эцэслэж, итгэл үнэмшлийг бататгаж чадсан. Мөн Засгийн газар ард түмэндээ газрын хэвлийн баялгийн үр шимийг хүртээж, айл өрх бүрийн амьжиргааг дэмжсэн чухал шийдвэрийг хүлээн авч, сайжруулсан шахмал түлшний үнийн 75 хувийн хөнгөлөлтийн зөрүү болох 69 тэрбум төгрөгийг санхүүжүүлэхээр болсон та бүхний сэтгэл, нөр их хөдөлмөрийг онцолж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
"Ид шидийн орон” төсөл
Хүүхдийн эрхийг хамгаалах, хэрэгжүүлэх, хангах хууль, эрх зүйн хүрээнд хотын захын гэр хорооллын хүүхдүүдэд аюулгүй, тав тухтай тохилог орчинг бий болгох, сурах, хөгжих, хүмүүжих, соёлжих нөхцөл боломжийг бүрдүүлэх зорилгыг өвөртлөн, эрх нь зөрчигдөж буй хүүхдийн төлөө нийгэмд "шүгэл үлээгч”-ийн үүргийг хариуцлагатайгаар гүйцэтгэж, ухуулга нөлөөлөл, мэдээлэл, сурталчилгааны ажлуудыг амжилттай хэрэгжүүлж, олон нийтийн цахим сүлжээнд өргөн хандалттай бодит үр нөлөөлөлтэй ажилласан та бүхний гэгээн үйлсийг онцолж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
"Таван толгой түлш” ХХК
Шинжлэх ухаан, инноваци, технологийн ололтод тулгуурлан, тогтвортой хөгжлийн төлөөх үзэл баримтлалд үндэслэн иргэн бүрийн эрүүл, аюулгүй орчинд ажиллаж, амьдрах нөхцөлийг бүрдүүлэх, хүрээлэн буй орчны бохирдлын эсрэг хэрэгжүүлж буй сайжруулсан шахмал түлшний үнийг Засгийн газраас 75 хувь бууруулсныг нийгмийн хариуцлагынхаа хүрээнд дэмжин, нийслэлийн гэр хорооллын айл өрхүүд дулаан өвөлжихөд дэм болж, дутах амьжиргаанд "лан” нэмж, бодит үр нөлөөлөлтэй ажиллаж буй та бүхэнд түмэн олны өмнөөс талархах сэтгэлийн үүднээс "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
Эрдэнэт үйлдвэр” ТӨҮГ
"Шинжлэх ухаанд суурилсан үйлдвэрлэлийг эрчимтэй хөгжүүлэх жил”-ээр зарласан 2020 ондоо үйлдвэрлэл, эдийн засгийн төлөвлөгөөт бүх үзүүлэлтээ зуугаас дээш хувиар биелүүлсэн амжилтаа та бүхэн ард түмэнтэйгээ хуваалцан, төр засгаас танай хамт олонд хүлээлгэсэн өндөр итгэл, түүхэн шийдвэрийг нэр төртэйгээр хэрэгжүүлэхээ илэрхийлж, эдийн засгийн хямрал нүүрлэсэн энэ цаг үед нийт айл өрх, зарим аж ахуйн нэгжийн цахилгаан, дулаан, усан хангамж, хогны төлбөр болох 650 тэрбум төгрөгийг ашгаасаа нөхөхөөр болсон танай хамт олонд "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.6. Халдварт өвчин судлалын үндэсний төв
Хүн амын эрүүл мэнд, нийгэм, эдийн засагт тулгарч буй цар тахлын учруулж болзошгүй аюул, эрсдлийн өмнө хамгийн тэргүүн эгнээнд сөрөн зогсож, иргэн бүрийн эрүүл мэнд, амь насыг сахин хамгаалах өндөр үүрэг, хариуцлагыг хором бүрт үл умартан, өдөр шөнийг үл ялган ажиллаж буй цагаан өмсгөлт сүүн сэтгэлт та бүхнээрээ бахархаж байна. Та бүхний хичээл зүтгэлийн дүнд аймшигт халдвараас ангижирч, амьдралын итгэл найдвараар тэтгэгдэж буй нийт ард иргэдийнхээ өмнөөс талархал илэрхийлж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
Шударга өрсөлдөөн, хэрэглэгчийн төлөө газар
Зах зээлийн эдийн засгийн тогтолцоон дахь шударга бус өрсөлдөөнийг хянан зохицуулах, хэрэглэгчдийн эрх ашгийг хамгаалах чиглэлээр тодорхой үр дүнтэй ажлуудыг амжилттай зохион байгуулахын сацуу улс орны хэмжээнд нүүрлэж буй цар тахлын хүнд нөхцөлд байнгын бэлэн байдалд ажиллаж, бараа бүтээгдэхүүний зохиомол хомсдол, үнийн хөөрөгдөлийг хазаарлаж, хяналт шалгалтыг тогтмол явуулан, иргэдийн итгэлийг идэвх зүтгэлээр дааж, эргэн мэдээлэх зарчмаар олон нийтийн цахим сүлжээнд өргөн хандалттай бодит үр нөлөөлөлтэй ажилласныг онцолж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батламжлав.
Экологийн цагдаагийн алба
Шинжлэх ухаан, инноваци, технологийн ололтод тулгуурлан, тогтвортой хөгжлийн төлөөх үзэл баримтлалд үндэслэсэн иргэн бүрийн экологийн боловсролыг дээшлүүлэх, хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, соён гэгээрүүлэх чиглэлээр хэрэгжүүлэхээр төлөвлөсөн "Байгаль эн тэргүүнд” төслийн хүрээнд ухуулга нөлөөлөл, мэдээлэл сурталчилгааны ажлуудыг амжилттай хэрэгжүүлж, олон нийтийн цахим сүлжээнд өргөн хандалттай, бодит үр нөлөөлөлтэй ажилласныг онцолж "Монголын Үндэсний Сайтын Хөгжлийн Нэгдсэн Холбоо”-ны дээд шагнал "Лайк цом”, "Нийгмийн хариуцлагатай байгууллага” өргөмжлөл олгосныг батлав.
 
   
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд sbd.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
sbd.nutag.mn