Гана улсын эмч нар сармагчны цэцэг өвчин тархаж байгаатай холбогдуулан ард иргэдэд хандан үнсэлцэх, бэлгийн харилцаанд орохгүй байхыг уриалжээ.

“Modern Gana” хэвлэлд бичсэнээр, Гана улсын баруун хойд хэсэгт сармагчны цэцэг өвчний халдварын дахин нэг тохиолдол бүртгэгдсэний дараа тус улсын эрүүл мэндийн яам ийм мэдэгдэл гаргажээ. Нийт 33 сая хүн амтай Ганад халдварын 230 гаруй тохиолдол бүртгэгдээд байна. Эмч нарын анхааруулснаар, сармагчны цэцэг өвчин хүн хоорондын контакт буюу шүргэлцэх, хүрэхэд халдварладаг тул сэжигтэй хүнтэй үнсэлцэх, бэлгийн харилцаанд орохоос зайлсхийхийг зөвлөжээ. Энэ сарын 5-нд Ардчилсан Конго улсад сармагчны цэцэг өвчний эсрэг вакцинжуулалт анх удаа эхлээд байна.