Хөгжлийн банк Евро бондоос 51.6 сая доллар худалдаж авчээ

301


2018 онд Хөгжлийн Банк нийт 500 сая ам.долларын дүнтэй, 7.25%-ийн хүүтэй Евро бондыг олон улсын зах зээлд арилжаалсан байдаг. Банкны ТУЗ-ийн шийдвэрээр энэ сарын 23-ны өдөр уг бондоос 51.6 сая ам.долларыг хэсэгчлэн худалдан авсан байна. Ингэснээр Евро бондын төлбөрт төлөх 500 сая ам.долларын 51.6 сая нь хасагдаж, 448.4 сая ам.долларын үлдэгдэлтэй болж байгааг тус банкнаас мэдээлэв.
Худалдаж авсан бонд нь 86.69 жигнэсэн дундаж үнэтэй, жилийн 22.55%-ийн өгөөжтэй нийт 516,140 ширхэг. Ширхэг бүрийг 100 ам.доллар дээр төлөх өрийг 86.69 ам.долларт худалдан авснаар одоогийн эзэмшиж байгаа багцын хүрээнд нийт 11 орчим сая ам.доллар хэмнэжээ. Тодруулбал, зөвхөн хүүгийн зардалд Евро бондын эргэн төлөлтийг хийх хугацаа буюу 2023 оны аравдугаар сарын 23-ны өдөр хүртэл 4.2 сая ам.долларыг хэмнэх тооцоолол гарчээ.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд sbd.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
sbd.nutag.mn