"Дэлхийн 162 улс иргэдээ вакцинд хамруулж буй бөгөөд дархлаажуулалтын улмаас нас барсан тохиолдол гараагүй. Нийгмийн сүлжээгээр вакцинаас болоод явах чадвараа алдсан гэсэн мэдээлэл явж байна. Тухайн хүний өвчлөлийн шалтгааныг тодорхойлохоор ажиллаж байна. Вакцинаас болсон эсэхийг тогтоогоогүй" гэлээ.  

Сүүлийн 24 цагийн хугацаанд нийслэлд 3829, Өмнөговь аймгийн 7 суманд 1337 хүнийг дархлаажуулалтад хамрууллаа. Ингэснээр өчигдрийн байдлаар улсын хэмжээнд нийт 209278 иргэн вакцин хийлгэлээ гэж ЭМЯ-наас мэдээллээ.

Одоогоор дэлхийд 265 вакцины эмнэлзүйн туршилт явагдаж байна. Үүний 9-ыг нь яаралтай ашиглах горимоор бүртгэж дэлхийн 162 орон хэрэглээнд нэвтрүүлэн ашиглаж байна.

Манай улс Дархлаажуулалтын хууль болон Хүний эмийн зөвлөлийн зөвлөмжийн дагуу вакцинжуулалт хийж байна. Еmongolia.mn хаягаар орж, дархлаажуулалтын талаарх мэдээллийг авч болно гэлээ.