Машинаа ачуулчихсан тохиолдолд цахимаар олох боломжтой боллоо
Тээврийн хэрэгслийн нэгдсэн цахим үйлчилгээний https://smartcar.mn/ системээр дамжуулан Тээврийн хэрэгслийг ачиж журамлах үйл ажиллагааны мэдээллийг цахимаар үзүүлэх үйлчилгээг авах боломжтой болгожээ. Хэрэв та зөрчил гарган өөрийн тээврийн хэрэгслийг ачиж журамлуулсан тохиолдолд Smartcar системд нэвтрэн орж тээврийн хэрэгслийг зөөж шилжүүлэхтэй холбоотой доорх мэдээллийг харах боломжтой.
- Шийдвэрийн төрөл
- Ачиж журамлах зөвшөөрөл олгосон цагдаагийн албан хаагчийн нэр
- Зөрчлийн заалт
- Ачилт хийсэн байршил
- Ачиж журамлах аж ахуйн нэгжийн мэдээлэл
- Ачиж журамлах машины мэдээлэл
- Шилжүүлэх түр саатуулах байрны байршил
- Шилжсэн огноо
- Ачилт хийгдэх үед баримт болгон авсан тээврийн хэрэгслийн зураг зэрэг байна.
Цахимаар үзүүлдэг үйлчилгээний нэр төрлийг нэмэгдүүлснээр иргэд, тээврийн хэрэгсэл эзэмшигчдэд ачиж журамлахтай холбоотой мэдээллийг ил тод нээлттэй авах боломж бүрдэж байгаа юм.
Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс