АНУ-ын Хойд Каролина мужид оршин суудаг Жерри Хикс өнгөрсөн долоо хоногийн мягмар гарагт /2024.10.22/ газраас олсон 20 ам.доллароороо хусдаг лотто аваад их хэмжээний мөнгө хожжээ. Тэрбээр нэгэн дэлгүүрийн зогсоолоос мөнгө олж, түүгээрээ нэг сая ам.доллар хожсон байна.

Хикс хэлэхдээ “Миний хайж байсан хусдаг лотто байхгүй байсан тул би өөрийг авсан юм” гэжээ. Тэрбээр хожсон мөнгөө баасан гарагт /2024.10.25/ Хойд Каролинагийн сугалааны төв байраас авсан байна. Хикс мөнгөө бүтнээр нь бага багаар 20 жилд хувааж авахын оронд нэг удаа 600 мянган ам.доллароор авах сонголт хийжээ. Татварын дараа тэр 429,007 ам.доллар авсан байна. Хикс хожсон мөнгөө хүүхдүүддээ туслахад зориулж, тэтгэвэртээ гарахдаа ашиглахаар төлөвлөж байгаа гэжээ.